Теш щеткасын ташламагыз!

* Өегездә мәче асрасагыз, бу киңәш сезнең өчен. Диван өстеннән мәче йонын җыеп алу өчен резина перчатка киегез дә, аны юешләп, диван өстен сыпырып алыгыз: мәченең йоннары перчаткага җыелачак. * Салат яфракларын тозлы суда юсаң әйбәтрәк.

* Агачтан эшләнгән мебельне аяк киеме кремы кулланып та яңартырга мөмкин. Төсен генә туры китереп сайлау кирәк.

* Суга аз гына шикәр салып, шуның белән чайкасагыз, кулдагы май бетәр.

* Иске теш щеткасын ташламагыз – кафель плиткалар арасын юарга бик уңайлы ул.

* Линолеумга элекке матурлыгын кайтару өчен теш пастасы белән ялтыратырга кирәк.

* Каһвә фильтрларын телевизор һәм компьютер экраннарын чистарту өчен кулланырга була.

Чыганак: kiziltan.ru